ԱՄՆ գործող նախագահ Բարաք Օբաման իր հրաժեշտի ելույթի ընթացքում շնորհակալությունը հայտնել կնոջը՝ երկրի առաջին տիկին Միշել Օբամային՝ չկարողանալով զսպել արցունքները. այս մասին հայտնում է «The Daily Mail»—ը։

«Միշելը օրինակ է ծառայել երկրի համար և այս ամբողջ 25 տարվա ընթացքում եղել է ոչ միայն իմ կինն ու երեխաների մայրը, այլ նաև իմ լավագույն ընկերը։ Միշելն իր վրա է վերցրել այն դերը, որը պարտավոր չէր, և կատարել այն յուրովի, մեծ հաստատակամությամբ և հումորով»,–նշել է Օբաման։

Միշել Օբաման, ժպտալով, փորձել է թաքցնել արցունքները, սակայն նրա կողքին նստած դուստրը՝ Մալիան, արտասվել է։

Բարաք Օբամայի համար այդ շատ կարևոր և հիշարժան օրը նրա կողքին չի եղել կրտսեր դուստրը՝ Սաշան։

Սպիտակ տան հաղորդմամբ՝ նա ներկա չի գտնվել արարողությանը, քանզի պարապելիս է եղել հաջորդ օրը կայանալիք քննության համար։

Ինչպես արդեն հայտնել էինք, եզրափակիչ ելույթը տեղի է ունեցել Չիկագոյում, որտեղ նրա ու Միշելի համար ամեն ինչ սկսվել է։

7or.am