Ինչպես արդեն տեղեկացրել էինք, թիվ 10 ընտրատարածքում ԱԺ պատգամավորության համար ընտրությունների նախնական արդյունքներով Արա Սիմոնյանը ստացել է 7254 քվե, Նիկոլ  Փաշինյանը՝ 4822, իսկ Մարքսիստական կուսակցության նախագահ Դավիթ Հակոբյանի օգտին քվեարկել է 287 մարդ։

«7օր»-ը փորձել է կապ հաստատել Դավիթ Հակոբյանի հետ և պարզել, թե ինչպես է նա գնահատում ընտրությունների ելքը, սակայն նրան գտնել չի հաջողվել։ Ընտանիքի անդամներից մեկը մեզ տեղեկացրել է, որ Դավիթ Հակոբյանը վաղ առավոտյան տնից դուրս է եկել, և իրենք անգամ չեն էլ տեսել՝ ինչպես և ուր է գնացել։ Մարքսիստական կուսակցության ղեկավարի աշխատավայրից էլ մեզ տեղեկացրել են, որ նա աշխատանքի չի գնացել, և չգիտեն, թե երբ կգա։

Հիշեցնենք, որ Դավիթ Հակոբյանը դեկտեմբերի 15-ին «Փաստարկ» ակումբում տված ասուլիսի ժամանակ ասել էր, թե մայրաքաղաքի թիվ 10 ընտրատարածքում ձախողվելուց հետո «Անդրանիկի նման կթքի և կհեռանա»։

7or.am