Հունվարի 10-ի գիշերը 86 տարեկան հասակում մահացել է Հայաստանի վարչապետ Տիգրան Սարգսյանի խորհրդական Ֆադեյ Սարգսյանը:

Ֆադեյ Տաճատի Սարգսյանը (ծնված 1923թ) սովորել է Երևանի պոլիտեխնիկական  (1940-1942), Լենինգրադի Ս.Մ.Բուդյոնու անվան ռազմական ակադեմիան (1942-1946)։ Տեխնիկական գիտությունների դոկտոր էր (1975), ակադեմիկոս(1977, թղթակից անդամ՝1971)։

Աշխատել է ԽՍՀՄ Պաշտպանության Նախարարության Հրետանային գիտատեխնիկական կոմիտեի հրթիռահրետանային գլխավոր վարչության տարբեր ղեկավար պաշտոններում, ԵրՄՄԳՀԻ-ի տնօրեն, ՀԽՍՀ Մինիստրների խորհրդի նախագահ, Հայաստանի Հանրապետության Գիտությունների Ազգային Ակադեմիայի ֆիզիկատեխնիկական գիտությունների և մեխանիկայի բաժանմունքի ակադեմիկոս-քարտուղար,  այնուհետև ՀՀ Գիտությունների Ազգային Ակադեմիայի նախագահ (1993-2006)։

Սկսած 2006-ից ՀՀ վարչապետի խորհրդականն էր։