Ռուսաստանի ներքին գործերի նախարարության քաղաքային վերահսկողության վարչության  լրատվության և հասարակայնության հետ կապերի բաժնի հերթապահ սպա Արկադի Բաշիրովի հաղորդած տեղեկությունների համաձայն՝ Մոսկվայի կենտրոնում՝ Նոր Արբատի № 15 տանը, հայ է սպանվել։ Նրա խոսքերով՝  դեպքը տեղի է ունեցել հունվարի 11-ի գիշերը «Մոսկվիչկա» առևտրի կենտրոնի մոտ, որտեղ այս պահին շինարարական աշխատանքներ են ընթանում։ Շինարակական աշխատանքներին մասնակցում է մի քանի բանվոր, որնցից մեկը հայ է։ Երեկոյան աշխատակիցների միջև վեճ է բռնկվել, որի ժամանակ էլ հայը դանակի հարված է ստացել ու մահացել։

Ներքին գործերի աշխատակիցը հաղորդել է, որ ոստիկանները «տաք հետքերով» ձերբակալել են 5 կասկածյալի։

-Ձերբակալավածները ԱՊՀ երկրներից են և սևագործ բանվոր են։ Այս պահին նրանք գտնվում են «Արբատ» ներքին գործերի բաժանմունքում։ Նրանց հետ համապատասխան աշխատանքներ են տարվում,-ասել է  Արկադի Բաշիրովը։

Ըստ «ИТАР-ТАСС»-ի