-Իրավական առումով ճիշտն ու սխալը որոշում է օրենքը։ ՍԴ-ն իրավական բարձրագույն մարմին է, և իրենք են որոշել, ավելի նպատակահարմար գտել են այս ձևը, ուրեմն դրա համար կան հիմքեր,- քննարկումները գրավոր ընթացակարգով անցկացնելու ՍԴ որոշման վերաբերյալ ասել է Էդուարդ Շարմազանովը։

Այսօր Սահմանադրական դատարանը որոշում կկայացնի՞, թե՞ ոչ, Է.Շարմազանովը դժվարացել է ասել, քանի որ հարցը, նրա խոսքերով, ՀՀ համար շատ կարևոր է, և պատահական չէ, որ նախագահը դիմել է ՍԴ՝ հարցի սահմանադրականությունը լուծելու նպատակով։ Ինչ վերաբերում է հարցին, թե հնարավո՞ր է, որ ՍԴ-ն արձանագրությունները հակասահմանադրական ճանաչի, նա պատասխանել է, որ նիստի վճռից առաջ չի ցանկանում կարծիք հայտնել՝ այդուհանդերձ նշելով, որ Հանրապետական կուսակցությունն առանց նախապայմանների հարաբերությունների կողմնակից է և արձանագրություններում նախապայմաններ չի տեսնում։

7or.am