«Ազատություն TV»–ի հետ զրույցում «Օհանյան-Րաֆֆի-Օսկանյան» դաշինքով թիվ 4 ընտրատարածքում ԱԺ պատգամավորության թեկնածու առաջադրված, այժմ կալանքի տակ գտնվող Անդրիաս Ղուկասյանի կինը՝ Անահիտ Թարխանյանը, անդրադառնալով դատարանի՝ գրավը մերժելու որոշմանը և Անդրիաս Ղուկասյանի՝ կալանքի տակ մնալուն, նշել է, որ դա ևս մեկ անգամ հստակեցնում է իշխանությունների կողմից այն փաստը, որ Անդրիաս Ղուկասյանը ձերբակալված է իր քաղաքական դիրքորոշման, իր քաղաքական մտքերի համար։

–Այսօրվա զարգացումներից տեսնում ենք, որ հուլիսի 30–ին ձերբակալվածներից մնացել են միայն Անդրիաս Ղուկասյանը և Դավիթ Հովհաննիսյանը, ովքեր «Ոտքի՛, Հայաստան» նախաձեռնության անդամներ են։ Այսօր կառավարող ռեժիմն Անդրիաս Ղուկասյան անձը դիտարկում է որպես վտանգ, նամանավանդ սպասվող ընտրությունների ընթացքում, և անում է ամեն ինչ, որպեսզի Անդրիասը չմասնակցի նախընտրական գործընթացներին,–նշել է Անահիտ Թարխանյանը։

Մանրամասները՝ տեսանյութում։

7or.am