Լրագրողների հետ հանդիպման ժամանակ «Բաքվեցի համերկրացիների միույթուն» կազմակերպության նախագահ Ռոբերտ Խաչատրյանն ասել է, թե 20 տարի առաջ հայերի՝ Բքվում տեղի ունեցած ջարդերից տուժածների և փախստականների իրավունքերը չեն պաշտպանվում։

-Մենք շատ ենք աշխատանք տարել այս ուղղությամբ, դիմել ենք Փախստականների կոմիտեին, կառավարությանը, որ միջազգային հարթության վրա բարձրացնեն այս հարցերը, որ նյութական և բարոյական վնասի փոխհատուցում տրվի, բայց ես ձեզ բաց կասեմ՝ Հայաստանում ոչ մի կառույց չի զբաղվում այդ հարցերով,-ասել է նա։

Ռոբերտ Խաչատրյանի խոսքերով՝ միջազգային կազմակերպությունները, որոնք զբաղվում են փախստականների իրավունքների պաշտպանության հարցեով, իրենց վրա ուշադրություն չեն դարձնում և գործունեություն են ծավալում՝ ոչ թե ելնելով օրենքի դրույթներից, այլ սեփական հայեցողությամբ։ Բաքվի ջարդերից մազապուրծ եղած Էլեոնորա Ավանեսովան էլ հավելել է, թե իրենց գլխավոր խնդիրը կացարանի հարցն է։

-Մենք ապրում ենք «Հայէլեկտրամեքենա» գործարանի մաս կազմող 5-հարկանի շենքում։ Մինչ օրս ապարում ենք որպես ժամանակավոր բնակիչ։ Այս հարցը շատ սուր է դրված, որովհետև մեզ չեն գրանցում, քանի որ այդ շենքը գտնվում է գործարանի տարածքում,-նշել է նա։

 Ի հավելումն սրա՝ Ռոբերտ Խաչատրյան էլ նշել է, որ փախստականների երեխաները, որնք ծնվել են Հայաստանում և արդեն 16-18 տարեկան են, գրանցում և անձնագիր չունեն։

-Պետությունը ոչ մի ուշադրություն չի դարձնում մեզ վրա։ Ոչ ոք չի փորձում մեր իրավունքերի պաշտպանության հարցը բարձրացնել,-նշել է նա։

7or.am