-Հայ-թուրքական ցյուրիխյան արձանագրություններն ուղղակի կրկնությունն են Կարսի տխրահռչակ պայմանագրի,-«Դուպլեքս» մամուլի ակումբում ասել է «Ժողովրդի իշխանություն» հասարակական-քաղաքական նախաձեռնության անդամ Արթուր Սարդարյանը։

Բանախոսին զարմացրել է այն իրողությունը, որ հայ հասարակության մեջ ուղղակի քննարկման առարկա չի դարձել Կարսի պայմանագրի համեմատությունը հայ-թուրքական արձանագրությունների հետ։ Նա նաև չի հանդիպել վերլուծությունների, որտեղ նշված կլինի, թե այս արձանագրությունները, Կարսի պայմանագրի հետ համեմատած, ետնահա՞նջ են, թե՞ առաջընթաց քայլ են։

-Իսկ մեր վերլուծությունները ցույց են տալիս, որ Կարսի պայմանագրի համեմատ ետնահանջ կա։ Կարսի պայմանագրում էլ կան ազատ և բաց սահմանների մասին կետեր, այդ պայմանագրով ամրագրվում էին այսօրվա Հայաստանի սահմանները։

Ա. Սարդարյանի գնահատմամբ՝ Կարսի պայմանագիրն ու հայ-թուրքական արձանագրությունները մեկ «չարաբաստիկ» տարբերություն ունեն.

-Պատմաբանների հանձնաժողովի մասին կետը,-ընդգծել է Ա. Սարդարյանը։

7or.am