Լրագրողների հետ հանդիպման ժամանակ անդրադառնալով Երևանի նախկին քաղաքապետ Գագիկ Բեգլարյանի և նախագահի արարողակարգի բաժնի աշխատակից Արամ Կանդայանի հետ կապված միջադեպին՝ ՀՀԿ-ական պատգամավոր Ռաֆիկ Պետրոսյանն ասել է, թե մամուլում տեղեկատվություն է տարածվել, որ Գագիկ Բեգլարյանը կարող է  նաև ՀՀԿ-ից դուրս գալ։

-Դա կերևա հետագայում։ Տարածվեց տեղեկատվություն, որ նա հրաժարական է տվել ՀՀԿ-ից, բայց դրանից հետո նախագահը մեկնեց,-ասել  է նա։

Ըստ Ռաֆիկ Պետրոսյանի՝ նմանատիպ դեպքերի հետևանքով հնարավոր է, որ էլի պաշտոնյաներ արժանանան Գագիկ Բեգլարյանի ճակատագրին։

-Ինձ թվում է, որ եթե նման դեպքեր գրանցվեն, ապա կշարունակվի այս գործընթացը, որովհետև ՀՀ նախագահը չի կարող և իրավունք չունի նման դեպքերի ժամանակ այլ դիրքորոշում դրսևորել, և կապ չունի, թե տուժողը կլինի հասարակ քաղաքացի՞, թե՞ պաշտոնատար անձ,-ընդգծել է նա։

7or.am