-Ի պատիվ հանրապետության ղեկավարության՝ հայ-թուրքական հարաբերությունները վերջին 1,5 տարում ոչ թե գաղտնի պահվեցին, այլ փորձ արվեց արվեց հասարակությանը, քաղաքական ուժերին, բոլոր կառույցներին ներգրավվել այս շատ կարևոր և բարդ խնդրի մեջ,- լրագրողների հետ հանդիպման ժամանակ ասել է ՀՀ սփյուռքի նախարար Հրանուշ Հակոբյանը։

Ինչ վերաբերում է Սահմանադրական դատարանի՝ հունվարի 12-ին կայացրած որոշմանը, ապա, ըստ նախարարի, այն իրավունքի տեսանկյունից իրավական փաստաթուղթ է.

-Այսօր այն վերջնական է և պարտադիր կատարման բոլոր քաղաքացիների, պետական կառավարման մարմինների համար։

Հ. Հակոբյանի համար նախորդ տարում ամենակարևոր հարցերից է եղել ՀՀ նախագահի ուղերձը համահայկական ուղևորությունից հետո.

-Ուզում եմ, որ իրավական ձևակերպում տանք կամ իրավաբանորեն ընդունենք այս փաստաթուղթը։ Կարծում եմ, որ ինչպես ուղերձն ազդեց հայ ժողովրդի միասնականությունը վերականգնելու, մեր տեսակետները մոտեցնելու առումով, այնպես էլ ՍԴ-ի փաստաթուղթը եկավ միավորելու այս ամենը։

7or.am