Իրանի Իսլամական Հանրապետության Արտաքին գործերի նախարարության ներկայացուցիչը ասել է, որ Թուրքիան իրենց տեղյալ չի պահել թուրք-իրանական սահմանին կառուցվելիք պատի մասին: Այս մասին փոխանցում է «ermenihaber.am»–ը։

Ըստ թուրքական «Diken» պարբերականի` նշյալ պաշտոնյան, որի անունը չի հրապարակվում, իրանական պաշտոնական «İRNA» լրատվական գործակալության հետ զրույցում թեմայի վերաբերյալ ասել է.

«Թուրքիայի կողմից անվտանգության նկատառումներով պատի կառուցմանը սկզբունքորեն դեմ չենք, սակայն Թեհրանը պետք է տեղյակ լինի սահմանին իրականացվող ցանկացած գործողության մասին»:

Աղբյուրը հիշեցնում է՝ Թուրքիան «Քրդստանի բանվորական կուսակցության» և դրա ենթակազմավորումների անդամ զինյալների ներթափանցումը երկիր կանխելու համար է որոշել պատ կառուցել թուրք-իրանական սահմանին: