Խորհրդարանն իր արտահերթ նիստում երկրորդ ընթերցմամբ քննարկում է «ՀՀ միջազգային պայմանագրերի մասին» ՀՀ օրենքում փոփոխություններ կատարելու մասին օրինագիծը: Համաձայն վերջինի' ՀՀ-ն արձանագրում է, որ միջազգային պայմանագրի կողմ կարող է հանդիսանալ նաև այն սուբյեկտը, որը դեռևս ճանաչված չէ:

Հիշեցնենք, որ ԱԺ արտաքին հարաբերությունների մշտական հանձնաժողովի նախագահ Արմեն Ռուստամյանն ավելի վաղ նշել էր, որ այս օրինագիծը հետագայում ԼՂՀ-ի հետ ռազմաքաղաքական դաշինք կնքելու հնարավորություն ևս տալիս է:

Այսօր էլ ՀՀ փոխարտգործնախարար Շավարշ Քոչարյանը հայտարարել է, որ «ՀՀ միջազգային պայմանագրերի մասին» ՀՀ օրենքում առաջարկվող փոփոխությունը պայմանավորված է Աստանայում դեկտեմբերի 1-2-ին ԵԱՀԿ գագաթաժողովում ՀՀ նախագահի հայտարարությամբ:

7or.am