Լրագրողների հետ հանդիպման ժամանակ ԱԺ «Ժառանգություն» խմբակցության անդամ Արմեն Մարտիրոսյանն ու ՀՀԿ խմբակցության անդամ Գագիկ Մինասյանն անդրադարձել են ավտոմեքենաների պարտադիր ապահովագրության (ԱՊՊԱ) վերաբերյալ օրենքին։

-Օրենքն այս պահին նպատակահարմար չէ կիրառել։ Ուզում եմ ևս մեկ անգամ հիշեցնել, որ մենք կողմ ենք օրենքի գաղափարին, դեմ ենք միայն օրենքի կիրառման ժամկետներին և մեխանիզմներին,-ասել է Արմեն Մարտիրոսյանը։

Իսկ Գագիկ Մինասյանն էլ հակադարձել է՝  նշելով, թե մեզ մոտ գործող գները ցածր են ոչ միայն Արևելյան Եվրոպայի, այլև անգամ Ռուսաստանում սահմանված գներից, և որ այս գործընթացից ապահովագրական ընկերությունները ստանում են ընդամենը երկու տոկոս շահույթ։

-Օրենքը հետաքրքրում է մեր հասարակության բոլոր անդամներին: Հասարակության երկու մաս կա. մի մասը կարող է տուժող լինել, մյուս մասը' և´ մեղավոր, և´ տուժող: Այս առումով օրենքը բավականին մանրամասն է մշակված: Ես կցանկանայի, որ դուք ավելի լավ տիրապետեիք օրենքին,-ասել է նա։

7or.am