Թուրքական լրատվամիջոցները, մեջբերելով Թուրքիայի ԱԳՆ մամուլի քարտուղարի խոսքերը, փոխանցում են, որ ՀՀ ԱԳ նախարար Էդվարդ Նալբանդյանը զանգահարել է Թուրքիայի ԱԳ նախարար Ահմեդ Դավութօղլուին՝ անհանգստություն հայտնելով Թուրքիայի ԱԳՆ հայտարարության վերաբերյալ։

Իր հերթին Ա. Դավութօղլուն Է. Նալբանդյանին ևս մեկ անգամ ասել է, որ ՀՀ Սահմանադրական դատարանի հունվարի 12-ի որոշումն  անընդունելի նախապայմաններ է պարունակում՝ հավելելով, որ Թուրքիան հավատարիմ է ստորագրված արձանագրությունների ոգուն և նույնն ակնկալում է նաև Հայաստանից։

Թուրքիայի արտգործնախարարը նաև նշել է, որ իրենք սկսել են թուրք հասարակությանն իրազեկելու գործընթացը և արձանագրությունները ներկայացրել են խորհրդարան։ Փոխարենը հայկական կողմը դեռ խորհրդարան չի ներկայացրել։