Համաշխարհային բանկը հրապարակել է «Համաշխարհային տնտեսական հեռանկարներ-2010 զեկույցը», որի համաձայն' համաշխարհային տնտեսության վերականգնումը, թեև արդեն ընթացքի մեջ է, սակայն դանդաղելու է տարվա վերջում' ֆիսկալ խթանի ազդեցության նվազմանը զուգընթաց, իսկ զարգացող երկրները կանգնած են ֆինանսավարկային սուղ միջոցների խնդրի առջև: Զեկույցում մասնավորապես ասված է, որ ֆինանսական շուկաներում պահպանվում է անկայունությունը, իսկ գործազրկության բարձր մակարդակի պայմաններում՝ մասնավոր հատվածի պահանջարկը մնում է ցածր։
Համաշխարհային բանկը կանխատեսում է, որ գլոբալ ճգնաժամը կհանգեցնի ֆինանսավորման և զարգացման մոդելների վերափոխման' առաջիկա 10 տարիների ընթացքում: