-Հայ-թուրքական հարաբերությունների բարելավումը սերտորեն կապված և պայմանավորված է Լեռնային Ղարաբաղի հարցի խաղաղ կարգավորման զարգացումներով,- մամուլի ասուլիսի ժամանակ հայտարարել է «Հայ ազգային կոնգրեսի» անդամ, ՀՀ նախկին արտգործնախարար Ալեքսանդր Արզումանյանը՝ հավելելով, որ Թուրքիայի խորհրդարանը հայ-թուրքական արձանագրությունները կվավերացնի միայն  այն բանից հետո, երբ ԼՂ-ի խնդրի կարգավորման հարցում նշանակալի առաջընթաց կարձանագրվի։

-Հայկական կողմն ի սկզբանե պատրաստ է եղել ԼՂ-ի հարցում զիջումների գնալու հաշվին բարելավել հայ-թուրքական հարաբերությունները։ Այդ բանավոր համաձայնությունն առկա է եղել. դրա համար է գործընթացը գնացել,- հայտարարել է Ա. Արզումանյանը՝ այդուհանդերձ նշելով, որ ինչպես «ֆուտբոլային» դիվանագիտությունն է սկսվել Մոսկվա քաղաքից, այնպես էլ ԼՂ-ի խնդրի կարգավորման բանալին Ռուսաստանի ձեռքում է։

7or.am