Այսօր մեկնարկած քառօրյայում քվեարկության է դրվելու «Լեռնային Ղարաբաղի անկախության ճանաչման մասին»  «Ժառանգություն» խմբակցության ներկայացրած նախագիծը։

Հիշեցնենք, որ այն հետաձգվել էր մինչև դեկտեմբերի 1-2-ին Աստանայում կայանալիք ԵԱՀԿ գագաթաժողովին, հետևաբար և՝ Սարգասյան-Ալիև հանդիպմանը հաջորդող քառօրյան, և քվեարկության է դրվելու դեկտեմբերի 9-ին։

-Փաստացի Աստանայից հետո որևէ ազդանշան կամ կոալիցիայի որևէ դիրքորոշման մասին մեզ դեռևս հայտնի չէ,-այսօր «7օր»-ին ասել է «Ժառանգություն» խմբակցության ղեկավար Ստեփան Սաֆարյանը՝ ավելացնելով, որ Աստանայից հետո այս հարցի վերաբերյալ իրենց և կոալիցիայի միջև որևէ քննարկում տեղի չի ունեցել.

-ԱԺ-ի որոշում գոյություն ունի, որ քվեարկությունը պետք է կազմակերպվի դեկտեմբերի 9-ին։ Հնարավոր է փոփոխել այդ որոշումը, բայց նման որոշում կայացված չէ ո՛չ «Ժառանգությունում», ո՛չ էլ կոալիցիան է դիմել։

7or.am