Դեկտեմբերի 19-ին' ժամը 00.24-ին, ահազանգ է ստացվել, որ Երևան քաղաքի Սարալանջի փողոցի վերջնամասում տեղի է ունեցել ավտովթար և անհրաժեշտ է փրկարարների օգնությունը:

Դեպքի վայր է մեկնել հատուկ փրկարական ջոկատի հերթապահ խումբը:

Դեռևս չպարզված հանգամանքներում «ԳԱԶ-3110» մակնիշի Տ 0722 պետհամարնիշի ավտոմեքենան դուրս է եկել երթևեկելի մասից և բախվել փողոցային լուսավորության սյանը, ինչի հետևանքով վարորդ'1964թ.-ին ծնված Վոլոդյա Մամյանը տեղում   մահացել է:

 Փրկարարների կողմից Վ. Մամյանի դին դուրս է բերվել ավտոմեքենայից և հանձնվել շտապ օգնության աշխատակիցներին: