Հարավային Օսիայում ամանորյա տոներից հետո շրջանառությունից կհանվի վրացական դրամը՝ լարին։ Այս մասին հաղորդում է հանրապետության պետական կոմիտեի տեղեկատվության, կապի և  զանգվածային հաղորդակցության կայքը։

Լարիի շրջանառության դադարեցման մասին որոշումն ընդունվել է Հարավային Օսիայի Լենինգրադյան շրջանի  կառավարության կողմից, որտեղ մինչ այժմ շրջանառության մեջ էին նաև ռուսական ռուբլին և վրացական լարին։ Հանրապետության այլ տարածքներում պաշտոնական դրամ է համարվում ռուբլին։

Ինչպես նշվում է կոմիտեի հաղորդագրության մեջ, լարին շրջանառությունից կհանվի 2011թ. հունվարի 10-ից։ Վրացական լարին կարելի է փոխանակել Վրաստանի տարածքում։

Հիշեցնենք, որ Հարավային Օսիայի Լենինգրադյան շրջանը մինչ 2008թ. վերահսկվում էր Վրաստանի կողմից։ 2008թ. օգոստոսի զինված բախումներից հետո, որոնց միացավ նաև Ռուսաստանը, շրջանն անցավ հարավօսական իշխանությունների ձեռքը։