Այսօր «Հենարան» ակումբում ՀՀ ԱԺ փոխնախագահ Սամվել Նիկոյանն ամփոփել է 2010թ. արտաքին և ներքին քաղաքական իրադարձությունները։ Ըստ նրա՝ արտաքին քաղաքականության առումով տարին բարեհաջող է համարում թե՛ հայ-թրքական, թե՛ Լեռնային Ղարաբաղի հիմնախնդրի լուծման ոլորտներում։

-Հունվարի 22-ին ՀՀ նախագահ Սերժ Սարգսյանը հրամանագիր ստորագրեց Ցյուրիխում ստորագրված արձանագրությունների վավերացման ընթացակարգը կասեցնելու վերաբերյալ, որովհետև Թուրքիան, ըստ էության, արձանագրությունների վավերացումը կապում էր Ղարաբաղյան խնդրի կարգավորման հետ, ցեղասպանության, այլ-այլ խնդիրների հետ, և կարծես թե սկսեց Հայաստանի Հանրապետության հետ խոսել նախապայմանների լեզվով,-նշել է բանախոսը։