Լրագրողների հետ հանդիպման ժամանակ ՀՀԿ խմբակցության անդամ Կարեն Ավագյանը, խոսելով ղարաբաղյան հակամարտության կարգավորման մասին, ասել է, որ փոխզիջումների մասին խոսելը դեռ վաղ է։

-Ես հստակ ասում եմ, որ կարգավիճակի մասին է խոսվում, և կարգավիճակի հետ կապված որևէ փոխզիջման մասին խոսք չկա։ Երբ ասում ենք փոխզիջում, դա այն ընդհանուր փաստաթուղթն է, որի մեջ կա նաև փոխզիջում,-նշել է նա։

Ըստ ՀՀԿ պատգամավորի՝ ամեն դեպքում փոխզիջումները չեն կարող լինել մեր անվտանգության հաշվին։

-Մենք գիտենք, որ տարածքներ կան, որոնք անվտանգություն են ապահովում, և փոխզիջումը չի կարող լինել անվտանգության հաշվին,-հավելել է նա։

7or.am