Ինչպես արդեն տեղեկացրել էինք, հայ-թուրքական արձանագրությունների վերաբերյալ ՀՀ ՍԴ կայացրած որոշումը թուրքական կողմին դուր չէր եկել։ Խոսելով այս մասին՝ ՀՀ ԱԺ «Ժառանգություն» խմբակցության քարտուղար Լարիսա Ալավերդյանն ասել է, թե թուրքական կողմի այդ վայնասունը ձևական բնույթ ունի։

-ՍԴ-ն կարող է թեզ գրել մինչ որոշման տեքստը, բայց իրավական հետևանք կարող է ունենալ միայն որոշման տեքստը։ Անշուշտ, արձանագրությունները պարունակում են պարտավորություններ և այն դրույթները, որոնք զուտ թուրքական պետության համար դարեր շարունակ եղել են պրոբլեմատիկ։ Դա, այսպես կոչված, «Հայկական հարց» ձևակերպումն է՝ սահմանների հարցն ու Ցեղասպանությունը։ Դա այս արձանագրությունների ստորագրման մինիմում ծրագիրն է, իսկ մաքսիմումը ԼՂՀ հարցի վերաբերյալ  այնպիսի ձևակերպումներով փաստաթղթի ստորագրումն է, որով ճանաչվում է  Ադրբեջանի իրավունքը ԼՂ-ի ճակատագրի վերաբերյալ բախտորոշ դեր կատարալու հարցում,-նշել է նա։

Իսկ ՀՀԿ խմբակցության անդամ Հովհաննես Սահակյանն էլ պնդել է, որ Թուրքիան իսկապես ցայտնոտի մեջ է, և առիթ է փնտրում հարաբերությունների հաստատման այս գործընթացը սառեցնելու համար։

7or.am