-Այն, ինչ տեղի է ունեցել մինչ այսօր, շարունակվելու է նաև հաջորդ տարի' հրադադարի ռեժիմի խախտումներ, դիվերսիաներ և այլն: Մենք մշտապես պետք է պատրաստ լինենք դրան,- լրագրողների հետ հանդիպման ժամանակ ասել է ռազմական հոգեբան Դավիթ Ջամալյանը։

Նա նաև նշել է, որ Հայաստանի դեմ Ադրբեջանի ծավալած դիվանագիտական պատերազմը շարունակվում է ու թշնամին անընդմեջ փորձում է փոփոխել հակամարտության կարգավորման բանակցությունների ձևաչափը:

Այս անգամ ադրբեջանական քարոզչամեքենան թիրախ է դարձրել այն հանգամանքը, որ ՀՀ քաղաքացիներն իրենց մասնակցությունն ունեն Արցախի պաշտպանության հարցում։

-Սակայն, այստեղ տեղին է հիշեցնել, որ համաձայն ՀՀ ռազմական դոկտրինի՝ Արցախի ժողովրդի անվտանգության երաշխավորը Հայաստանի Հանրապետությունն է,- ընդգծել է փորձագետը։

7or.am