Այսօր լրագրողների հետ հանդիպման ժամանակ «Ա1+» հեռուստաընկերությանը սատարող  «Ժողովրդական հեռուստատեսություն» հիմնադրամի հոգաբարձուների խորհրդի անդամները հայտարարել են, որ հեռուստաընկերության վերաբացման նպատակով հանգանակություն-քվեարկությանը մասնակցել է 20 հազար քաղաքացի։ Հանգանակության արդյունքում հավաքվել է 3.5 մլն դրամ: Երևանի մամուլի ակումբի նախագահ Բորիս Նավասարդյանը նշեց, որ հանգանականությունը կշարունակվի մինչև դեկտեմբերի 15-ը։  Նա ընդգծեց, որ քվեարկություն-հանգանակությունը ցույց է տալիս, որ իրենց ընտրած մարտավարությունը ճիշտ է, և ժամանակն է  մտածել ծրագրային քաղաքականության մասին: