Լրահոս

01.02.2010 17:18


Դեղորայքի շուկայում գործող մի շարք ընկերություններ տուգանվել են 500 000-ական դրամով

ՀՀ տնտեսական մրցակցության պաշտպանության պետական հանձնաժողովի այսօրվա նիստում «ԱրմՖարմե» «Ֆարմ Գոհար», «Դեղաբազա Երևան» և «Ալեքս Գրիգ» ընկերությունները տուգանվել են 500 000-ական դրամով' Հանձնաժողովի պահանջած տեղեկատվությունը սահմանված ժամկետում չներկայացնելու համար:

Առաջին երեքը դեղորայքի շուկայում գործող ընկերություններ են, որոնց կողմից տեղեկատվության չտրամադրումը կամ ուշացնելը խոչընդոտել է դեղերի շուկայում հակամրցակցային համաձայնության կասկածանքով հարուցված վարույթի աշխատանքներին: Նրանց տրամադրած տեղեկատվությունն այժմ ուսումնասիրության ընթացքում է և հակամրցակցային համաձայնությանը մասնակից լինելու հանգամանքը պարզվում է:

 Վերջին ընկերությունը' չնայած լայն սպառման շուկաներում գործող ընկերություններին նախաամանորյա շրջանում տրված հանձնարարությանը, որ գների ցանկացած բարձրացման դեպքում երկօրյա ժամկետում Հանձնաժողովին հիմնավորումներ ներկայացնեն, սահմանված ժամկետում տեղեկատվություն չի ներկայացրել: Ավելի ուշ Հանձնաժողովի անցկացրած մոնիտորինգն է պարզել, որ նորզելանդական կարագի գինը բարձրացել է: Անհրաժեշտ հիմնավորումները ներկայացված են:

Հանձնաժողովի մեկ այլ որոշմամբ դեղորայքի շուկայում գողծող «Ֆետիդա Ֆարմ» ընկերությունում ստուգումներ են նշանակվել' հակամրցակցային համաձայնության կայացման կասկածանքով հարուցված վարչական վարույթի շրջանակներում ներկայացված տեղեկատվության հավաստիությունը պարզելու նպատակով: 

Այս խորագրի վերջին նյութերը