Հաշվի  առնելով  թիվ  10-րդ  ընտրատարածքի  ԱԺ  լրացուցիչ  ընտրության  հետընտրական  գործընթացներում    ստեղծված  իրավիճակը,   Հայաստանի    Պառլամենտարիզմի  Կենտրոն  (ՀՊԱԿ) դիտորդական  առաքելության  ղեկավար    Անահիտ Սարգսյանն այսօր  ՀՀ  և  ՍԴ  նախագահներին  հետևյալ  դիմում-առաջարկություններն  է  ներկայացրել՝

1.  ՀՀ  նախագահին՝

«Բազմիցս, Ձեզ  տեղեկատվություն  ենք ներկայացրել  թիվ  10-րդ  ը/ք-ի      ԱԺ  լրացուցիչ  ընտրության նախպատրաստման և անցկացման, ինչպես  նաև, հետընտրական   գործընթացներում  ընթացքում տեղ գտած  օրինախախտումների  մասին:

Սակայն, այդ կապակցությամբ,  ոչ  միայն  որևէ  դրական  տեղաշարժ  դեռևս  չենք  արձանագրել, այլև, անգամ,  պատասխանատվության չի ենթարկվել  Ձեր  ներկայացուցիչ - ԿԸՀ նախագահը' դիտորդական  մեր  առաքելության  աշխատանքներն  ակնհայտ  խոչընդոտելու  համար:

Հիմք ընդունելով  ՀՀ  Սահմանադրության  49-րդ  և  Ընտրական  օրենսգրքի  1-ին հոդվածներով  սահմանված  դրույթները, հույս  ենք հայտնում, որ  համապատասխան  միջոցներ  դեռևս  կձեռնարկվեն»։

2. ՍԴ նախագահին՝

«Խնդրում ենք  որոշ  պարզաբանումներ  տալ  27.01.10թ.-ի  Բարձր  դատարանի  թիվ  ՍԴԱՈ-8   աշխատակարգային  որոշման  2-րդ  կետում  բերված  «ծանրաբեռնվածություն»  հասկացության  կապակցությամբ:

Խնդիրը  նրանում  է, որ  ըստ  մեր  դիտարկումների, 2003թ.  և  2007թ.  ԱԺ  մեծամասնական  ընտրակարգով  ընտրությունների   արդյունքների  վերաբերյալ   դիմումների  քննություններն   անցել  են  Բարձր  դատարանի    առավել  գերբեռնվածության  պայմաններում, սակայն  բոլոր  դիմումները  քննվել  են  սահմանված  1  ամսյա  ժամկետում»։  

ՀՊԱԿ  լրատվություն