Ուկրաինայի ԿԸՀ-ը հաշվարկել է նախօրեին կայացած նախագահական ընտրությունների վերջնական արձանագրությունների 80 տոկոսը։ Առայժմ առաջինը Վիկտոր Յանուկովիչն է, ով ստացել է ընտրողների ձայների 48,67 տոկոսը։ Յուլիա Տիմոշենկոն հավաքել է 45,66 տոկոս ձայն։

ԿԸՀ-ի հրապարակած վերջին տվյալները ցույց են տալիս, որ Ուկրաինայի վարչապետ Տիմոշենկոյին հաջողվել է զգալի կրճատել հավաքած ձայների տարբերությունը։ Ընտրությունների արդյունքների հաշվարկման նախնական փուլում Յանուկովիչի առավելությունը 9 տոկոս էր, որն այնուհետև աստիճանաբար սկսեց կրճատվել։

Երկու թեկնածուների դեմ է արտահայտվել ընտրողների 4,48 տոկոսը։ Ուկրաինայի նախագահի ընտրությունների 2-րդ փուլում մասնակցությունը կազմել է 69,07 տոկոս։

Ըստ «Lenta.ru»-ի