«Իրավունք դե ֆակտո» ակումբում ՀԱԿ-ՀՅԴ համագործակցության հարցին անդրադառնալով՝ Արա Նռանյանն ասել է, որ քաղաքական ուժերը կարող են համագործակցել՝ սկսելով նախ և առաջ մեկ կամ երկու խնդիրներից։

Նա նշել է, որ Դաշնակցության առաջնային խնդիրն այսօր հայ-թուրքական արձանագրությունների դեմ պայքարն է. «Ցավոք, այսօր ՀԱԿ-ը կարծես հայ-թուրքական արձանագրությունների դեմ պայքարին չի միանում, չի միանում «ոչ»-ի շարժմանը, և ես կցանկանայի այդ պատասխանն ստանալուց հետո ասել՝ մենք կարո՞ղ ենք համագործակցել, թե՞ ոչ»։

-Քաղաքականության մեջ ընդհանրապես ոչինչ բացառել հնարավոր չէ,- ասել է Ա. Նռանյանը և ավելացրել, որ հնարավոր է՝ պահ լինի, որ տարաձայնություններ ունեցող քաղաքական ուժերն ունենան նաև ընդհանուր որոշակի եզրեր.

-Այսօր ամենակարևոր հարցի շուրջ մենք այդ ընդհանուր եզրը, ցավոք, չունենք։

7or.am