Քաղաքական

03.06.2018 21:00


Արցախում ցուցարարները Հայաստանի բոլոր քաղբանտարկյալներին ազատ արձակելու կոչ են հնչեցրել (տեսանյութ, լուսանկար)

Արցախում ցուցարարները Հայաստանի բոլոր քաղբանտարկյալներին ազատ արձակելու կոչ են հնչեցրել (տեսանյութ, լուսանկար)

Ինչպես տեղեկացրել էինք, այսօր ևս Արցախում շարունակվում է բողոքի ինքնաբուխ ցույցը, որը ծագել էր ԱԱԾ աշխատակիցների կողմից քաղաքացիներին ծեծի ենթարկելու պատճառով։

Կենտրոնական փողոցը փակ պահող քաղաքացիները պահանջում են ուժային կառույցների ղեկավարների պաշտոնանկությունը։

«Ազգային վերածնունդ» կուսակցության անդամ Տիգրան Գրիգորյանը տեղեկացնում է, որ ցուցարարները Հայաստանի բոլոր քաղբանտարկյալներին ազատ արձակելու կոչ են հնչեցրել։ Նաև շատանում են Արցախը ՀՀ-ի հետ միավորելու կոչերը։

«Ցույցի վայրում հայտնվեցին առաջին ինքնաեռերը։ Այսպիսի բան մեկ էլ 88-ին է եղել։ Տարբեր մարդիկ իրենց նախաձեռնությամբ նոր պաստառներ են պատրաստում»,-նշել է Տ․Գրիգորյանը։


Արցախի Հանրապետության Նախագահ Բակո Սահակյանը հունիսի 2-ին հրավիրել է խորհրդակցություն, որին մասնակցում էին Անվտանգության խորհրդի անդամները, Ազգային ժողովի նախագահի տեղակալը, խմբակցությունների ղեկավարները եւ մշտական հանձնաժողովների ներկայացուցիչները։

Քննարկվել են մայրաքաղաքում նախօրեին տեղի ունեցած միջադեպին վերաբերող մի շարք հարցեր։

Երկրի ղեկավարը կարեւորել է մանրակրկիտ ու պատշաճ մակարդակով հետաքննության անցկացման անհրաժեշտությունը եւ ընդգծել, որ հնարավորինս սեղմ ժամկետներում մեղավորները պետք է պատասխանատվության ենթարկվեն՝ օրենքով սահմանված կարգով։

Բակո Սահակյանը շեշտել է, որ երկրում կայունության եւ օրինականության պահպանումը, սահմանների անվտանգության ապահովումը բացառիկ արժեքներ են մեր ժողովրդի եւ համայն հայության համար։

Նախագահը համապատասխան հանձնարարականներ է տվել շահագրգիռ մարմինների ղեկավարներին քննարկված հարցերի լուծման ուղղությամբ։

7or.am

Այս խորագրի վերջին նյութերը