Լրահոս

25.02.2010 16:12


Ինչպիսի՞ն է կառավարության հակաճգնաժամային ծրագիրը

Ինչպիսի՞ն է կառավարության հակաճգնաժամային ծրագիրը

Լրագրողների հետ հանդիպման ժամանակ պատասխանելով այն հարցին՝ ինչպես է գնահատում կառավարության հակաճգնաժամային ծրագիրը՝ ՀՀ ԱԺ նախագահի խորհրդական, տնտեսական գիտությունների դոկտոր, պրոֆեսոր Թաթուլ Մանասերյանն ասել է, թե դրա մասին խոսելը դեռ վաղ է։

-Շոշափելի արդյունքներ, որոնք ակնկալում է բնակչությունն ու ինքը՝ կառավարությունը, դեռևս ակներև չեն։ Սակայն կան գործոններ, որոնք կախված են մեզնից, և մասնավորապես ֆինանսական համակարգը թեև կայացած է համարվում, այդ թվում նաև բանկայինը, այնուամենայնիվ, դա մեզ չպետք է գոհացնի մինչ այն պահը, երբ բանկային համակարգը կսկսի ծառայել տնտեսության իրական հատվածին։ Սա շատ կարևոր է ֆինանսատնտեսական ճգնաժամի այս փուլում,-նշել է նա։

Ըստ Թաթուլ Մանասերյանի՝ երբ պետությունն է պատասխանատվություն ստանձնում լրացուցիչ ֆինանսական ռեսուրսների համար, որոնք փոխառվում են միջազգային կազմակերպություններից կամ այլ երկրների կառավարություններից, բանկերը դառնում են պետության գործակալներ և պետության թելադրանքով պետք է որդեգրեն ցածր տոկոսադրույքների քաղաքականությունը։

7or.am

 

Այս խորագրի վերջին նյութերը