ԱՄՆ պետքարտուղար Հիլարի Քլինթոնի կարծիքով Կոնգրեսի կողմից Հայոց ցեղասպանությունը ճանաչող բանաձևի ընդունումը կարող է խանգարել հայ-թուրքական գործընթացին։ «Ցանկալի չէր լինի, որ ԱՄՆ Կոնգրեսը որևէ բանաձև ընդուներ հայերի ցեղասպանության վերաբերյալ։ Այս փուլում, երբ մենք բոլորս աշխատում ենք հայ-թուրքական հարաբերությունների բարելավման ուղղությամբ՝ նման բանաձևի ընդունումը չի կարող օգուտ բերել այդ գործընթացին»,-ելույթ ունենալով Կոնգրեսում՝ ասել է ԱՄՆ պետքարտուղարը։ «Մեր բոլոր քայլերն ու գործողությունները պետք է ուղղված լինեն հայ-թուրքական հարաբերությունների բարելավմանը, և ոչ թե խոչընդոտեն դրանց։ Ե՛վ ես, և՛ նախագահ Օբաման մնում ենք այն կարծիքին, որ կողմ ենք այդ հարաբերությունների կարգավորմանն ուղղված բոլոր ջանքերին և դեմ ենք այն որոշումներին, որոնք կարող են վնասել գործընթացին»,-հայտարարել է Հիլարի Քլինթոնը։

Ըստ «CNN-Turk»-ի