Ուղիղ 22 տարի առաջ այս օրը Ադրբեջանի հայաշատ Սումգայիթ քաղաքում սկսվեց այն, ինչ սերունդներն հիշելու են իբրև հայերի զանգվածային կոտորած  և տեղահանություն:   Այդ երկրի քաղաքական իշխանության բացարձակ աջակցությամբ և պատվերով ազերի վայրագ ամբոխը հարձակվեց խաղաղ ապրող հայ բնակչության վրա, կոտորեց և անդամալույծ դարձրեց շատերին:   Այդ ողբերգական օրերից տարիներ անց ,քաղաքակիրթ և մարդու իրավունքների պաշտպանե միջազգային հանրությունը որևէ իրավական գնահատական չի տվել սումգայիթյան   Եղեռնին:  Ավելին, Ադրբեջանը մինչև այսօր շարունակում է իր ռազմաշունչ ճոռոմաբանությունը' պատերազմի սպառնալիքներ տեղալով  Հայաստանի և Արցախի վրա:

Սումգայիթը  Ցեղասպանություն էր' Ցեղասպանություն, որի հիմքը  դրվեց դեռ անցած դարի սկզբին, շարունակվեց տասնյակ տարիներ և հասավ մինչև  Բաքու և Մարաղա:

Նոր սումգայիթներ հնարավոր չէ բացառել այնքան ժամանակ, քանի դեռ նախորդներին չի տրվել իրավական գնահատական, չեն հայտնաբերվել և իբրև ռազմական հանցագործներ չեն դատապարտվել Սումգայիթի, Բաքվի և Մարաղայի հայկական  ջարդերի կազմակերպիչները:

ՍԴՀԿ «Սարգիս Տխրունի» ուսանողական-երիտասարդական միություն