Շվեդիայի ռիկսդագը (խորհրդարանը) հնարավոր է՝ անցկացնի Հայոց ցեղասպանության ճանաչման բանաձևի կրկնակի քվեարկություն։ Այդ մասին թուրքական NTV հեռուստաընկերությանն ասել է Շվեդիայի արտգործնախարար Կարլ Բիլդտը։ Նրա խոսքերով՝ ճիշտ չէ քաղաքական որոշումներ կայացնել 100 տարվա վաղեմություն ունեցող իրադարձությունների վերաբերյալ։

«Այսօր պետք է մտածել ոչ թե 1915-ի, այլ 2015-ի մասին, երբ Թուրքիան հնարավոր է՝ դառնա Եվրամիության անդամ»,-ասել է Բիլդտը։ Նա նշել է, որ Շվեդիայի խորհրդարանը Հայոց ցեղասպանության բանաձևի հարցին կարող է անդրադառնալ միայն 2011-ին։

Իրենց հերթին Թուրքիայի իշխանությունները շարունակում են հայտարարել, որ Հայոց ցեղասպանության վերաբերյալ բանաձևերը կվնասեն հայ-թուրքական ներկա գործընթացին։

Ըստ  «РИА Новости»-ի