Անդրադառնալով հայերին Թուրքիայից արտաքսելու մասին այդ երկրի վարչապետ Ռեջեփ Էրդողանի հայտարարությանը, որը նա հերթական անգամ կրկնել է, ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը «7օր»-ի հարցին ի պատասխան ասել է.

-Ես դա ամոթալի էի բնութագրել, բայց պարզվեց, որ Էրդողանն ամոթ չունի և կրկնում է այդ իր հայտարարությունները։ Խայտառակություն է սա՝ հաշվի առնելով այն հանգամանքը, որ մի երկրի ղեկավարը, որն իրավահաջորդն է Օսմանյան կայսրության, որն իրականացրել է ցեղասպանություն և որը չի ճանաչում, կեղծում է պատմական ճշմարտությունը, նման հայտարարություն է անում։ Ըստ էության, մեր հայրենակիցներին Թուրքիայում նրանք փորձում են օգտագրծել որպես պատանդ։

7or.am