Քաղաքական

25.04.2019 09:46


Նոր Նորք վարչական շրջանի նախկին ղեկավարին մեղադրանք է առաջադրվել

Նոր Նորք վարչական շրջանի նախկին ղեկավարին մեղադրանք է առաջադրվել

Նոր Նորք վարչական շրջանի նախկին ղեկավար Արմեն Ուլիխանյանին մեղադրանք է առաջադրվել: Տեղեկությունը «Փաստիինֆո»-ի հետ զրույցում հաստատեց ՀՀ քննչական կոմիտեի տեղեկատվության և հասարակայնության հետ կապերի բաժնի պետի պաշտոնակատար Նաիրա Հարությունյանը:

Նրա փոխանցմամբ` մեղադրանքն առաջադրվել է ՀՀ ՔՕ-ի 179-րդ հոդվածի 2-րդ մասի 1-ին և 3-րդ կետերով, այն է` պաշտոնեական դիրքն օգտագործելով խոշոր չափերով յուրացնելը կամ վատնելը, ինչպես նաև` 314-րդ հոդվածի 1-ին մասով, այն է` պաշտոնատար անձի կողմից շահադիտական նպատակով կամ անձնական այլ դրդումներով կամ խմբային շահերից ելնելով՝ պաշտոնական փաստաթղթերում ակնհայտ կեղծ տեղեկություններ կամ գրառումներ մտցնելը, կեղծում, քերվածք կամ այլ թվական գրառումներ կամ փոփոխություններ կատարելը:

Նշենք, որ Ուլիխանյանի նկատմամբ որպես խափանման միջոց է ընտրվել ստորագրությունը` չհեռանալու մասին:

Ուլիխանյանը վարչական շրջանի ղեկավարի պաշտոնը զբաղեցրել է 2012-2018 թթ-ին։ 2018 թվականի սեպտեմբերի 4-ին նա հայտարարել է իր լիազորությունները դադարեցնելու մասին։

Այս խորագրի վերջին նյութերը