1948 թվականի դեկտեմբերի 10-ին ՄԱԿ-ի Գլխավոր ասամբլեան ընդունեց մարդու իրավունքների համընդհանուր հռչակագիրը: Իսկ 1950 թվականին Գլխավոր ասամբլեայի առաջարկով տարբեր պետություններ եւ կազմակերպություններ դեկտեմբերի 10-ը սկսեցին նշել որպես մարդու իրավունքների միջազգային օր:
2001թ. Հայաստանն անդամակցեց Եվրախորհրդին և վավերացրեց «Մարդու իրավունքների և հիմնարար ազատությունների պաշտպանության մասին» եվրոպական կոնվենցիան, ինչը մարդու իրավունքների լիակատար պաշտպանությունն ապահովելու առաջին քայլերից է:
Մարդու իրավունքների հռչակագիրը այն հիմնական փասաթուղթն է, որում առաջին անգամ ամրագրվեցին մարդու եւ անհատի հիմնական իրավունքները: Հռչակագիրը թարգմանվեց ավելի քան 360 լեզուներով' աշխարհում որեւէ այլ փասթաթուղթ չի թարգմանվել այսպիսի քանակությամբ լեզուներով: