Լրահոս

19.04.2010 13:16


Բաքուն դրական պատասխան է տվել Իրանի առաջարկին

Բաքուն  դրական պատասխան է տվել Իրանի առաջարկին

Իրանի արտգործնախարար Մանուչեհր Մոթաքին Թեհրանում կայացած մամուլի ասուլիսի ժամանակ հայտարարել է, որ պաշտոնական Բաքուն դրական պատասխան է տվել ԼՂ հիմնահարցի կարգավորման գործում միջնորդի դեր ստանձնելու Իրանի առաջարկին։ Պատասխանելով ANS հեռուստաընկերության հարցին՝ Իրանի ԱԳ նախարարն ասել է, որ «պատերազմը Հայաստանի և Ադրբեջանի միջև դեռևս ավարտված չէ, և կան որոշ հարցեր, որոնք խոչընդոտում են ԼՂ հակամարտության կարգավորմանը և նույնիսկ ստվեր են գցում խաղաղ գործընթացի վրա»։

«Թեհրանը խաղաղություն է ցանկանում բոլոր հարևաններին և անելու է հնարավորը՝ աջակցելու ղարաբաղյան հակամարտության կարգավորմանը։ Մեր առաջարկներն արդեն փոխանցել ենք հայկական և ադրբեջանական կողմերին։ Բաքուն դրանք ընդունել է, իսկ Երևանից առայժմ պատասխան չկա»,-ասել Իրանի արտգործնախարարը։

Այս խորագրի վերջին նյութերը