Սեպտեմբերի 20-ին, ժամը 10.30-ին, ոստիկանություն է զանգահարել մայրաքաղաքի Սայաթ-Նովայի պողոտայում գտնվող մի խանութ-սրահի մենեջեր և հայտնել, որ հագուստի խանութը թալանել են:

Ոստիկանության Կենտրոնական բաժնից մեկնած օպերատիվ խումբը պարզել է, որ առավոտյան հինգին տեխնիկական միջոցների գործադրմամբ դռան փականը կոտրել ու խանութից գողացել են հագուստ և այլ պարագաներ:

Քրեական հետախույզների ձեռնարկած միջոցառումների շնորհիվ պարզվել է, որ գողությունը կատարել է Գ. Նժդեհի փողոցի 16-ամյա մի բնակիչ, որը նույն օրը, ժամը 23-ին, Ամիրյան փողոցից բերման է ենթարկվել բաժին:

Գողոնը մասամբ հայտնաբերվել է:

Նախապատրաստվում են նյութեր: