Հոկտեմբերի 4-ին, ժամը 07:49-ին «911» ծառայություն ահազանգ է ստացվել, որ Տավուշի մարզի Դիլիջանի ոլորաններում ավտոմեքենան գլորվել է ձորը. անհրաժեշտ է փրկարարների օգնությունը:

Պարզվել է, որ Մ-4 ավտոճանապարհի Երևան-Դիլիջան հատվածի 86-րդ կմ-ին (6-րդ ոլորան) «Ford Transit» մակնիշի ավտոմեքենան (վարորդ՝ Հայկ Մ.) դուրս է եկել ճանապարհի երթևեկելի հատվածից և մոտ 10 մ գլորվել ձորը:

Մինչ փրկարարների՝ կանչի վայր հասնելը վարորդը և ուղևորը (Վարդկեզ Մ.) ինքնուրույն դուրս են եկել ավտոմեքենայից: Վերջիններս հրաժարվել են բուժօգնությունից:

Փրկարարները հոսանքազրկել են ավտոմեքենան:

Ավտոմեքենան դուրս բերելու համար անհրաժեշտ է հատուկ տեխնիկա: