Այսօր՝ հոկտեմբերի 8-ին, խոշոր ավտովթար է տեղի ունեցել Երևանում: Ժամը 02:00-ի սահմաններում Նուբարաշեն խճուղի 5/7 հասցեի դիմաց բախվել են Volkswagen մակնիշի 34 OR 038 համարանիշի և Honda մակնիշի 36 NG 821 համարանիշի ավտոմեքենաները:

Ինչպես դեպքի վարից հայտնում է ֆոտոլրագրող Գագիկ Շամշյանը, վթարի հետևանքով 2 ավտոմեքենաները դուրս են եկել ճանապարհի երթևեկելի գոտուց, հայտնվել մայթին, նրանցից մեկն էլ փլուզել է քարե պարիսպը և ավտոմեքենաները առաջ ընթանալով՝ Honda-ն բախվել էլեկտրասյանը, իսկ Volkswagen-ը՝ Honda-ին:

Վթարի հետևանքով 4 հոգի մարմնական վնասվածքներով տեղափոխվել են «Էրեբունի» բժշկական կենտրոն:

Օպերատիվորեն են գործել Երևանի 1-03 շտապօգնության բժիշկների հերթապահ խմբերը, ովքեր վիրավորներին մինչև հիվանդանոց տեղափոխելը տեղում առաջին բուժօգնությունն են ցուցաբերել:

Ոստիկանությունը պարզում է վարորդների և վիրավորների ինքնությունը: Դեպքի վայրում հավաքվածներն ասում էին, որ վթարի մեղավորը եղել է Honda-ի վարորդը, ով վթարային իրավիճակ է ստեղծել Volkswagen-ի վարորդի համար, իսկ վթարից հետո դեպքի վայրում մի խումբ երիտասարդներ «աքլորացած» վիճաբանում էին և միայն ոստիկանների միջամտության արդյունքում «բանը տուրուդմփոցի չհասավ»:

Հետաքննչի հանձնարարականով ավտոմեքենաները տեղափոխվեցին Երևանի ՃՈ պահպանվող հատուկ տարածք:

Մանրամասները՝ Shamshyan.com-ում: