Կարծիք

14.10.2019 16:25


Նիկոլի տուրիստական միֆը

Նիկոլի տուրիստական միֆը

Այսօր «ժողովրդի» վարչապետը ներկայացնելով booking-ի կանխատեսումները՝ կրկին պողոսներին տվել է հերթական միֆը, ըստ որի՝ մյուս տարի Հայաստանը լինելու է աշխարհի թոփ 10 երկրների ցանկում զբոսաշրջիկների այցելության առումով: Եկեք վերլուծենք...

Նախ սխալ է ասել, որ Երևանը ընդգրկվել է ինչ-որ թոփ-10 մեջ, սա ուղղակի կանխատեսում է․ ցանկում կան նաև այս քաղաքները, և մենք վերջին տեղում ենք Գզիրա՝ Մալթայի հյուսիս-արևելքում, Նինբին՝ Վիետնամի հյուսիս-արևելքում գտնվող քաղաք, Սոգվիփհո՝ Հարավային Կորեա, Ջոդհպուր՝ քաղաք Հնդկատտանում։

Ըստ go.euromonitor.com-ի, որը համարվում է աշխարհի լրջագույն վիճակագրական տվալների աղբյուրներից մեկը՝ 2018-ին ամենաայցելած քաղաքների թոփ 10-ի մեջ են Հոկկոնգը՝ 29.8 մլն. այցելու, Բանգկոկը՝ 23.6, Լոնդոնը՝ 20.7, Սինգապուրը՝ 18.6, Մակաոն՝ 18.9, Փարիզը՝ 16.8, Դուբայը՝ 16.6, Նյու-Յորքը՝ 13.5, Կուալա Լումպուրը՝ 13.4 և Շենժենը՝ 12.4:

2017 առավել այցելած քաղաքներն են, ըստ նույն go.euromonitor.com-ի՝ Հոնկոնգը՝ 26.6մլն, Բանգկոկը՝ 21.2մլն, Լոնդոնը՝ 19.2մլն, Սինգապուրը՝ 16.6մլն, Մակաոն՝ 15.4մլն, Դուբայը՝ 14.9մլն, Փարիզը՝ 14.4մլն, Նյու-Յորքը՝ 12.6մլն, Շենժենը՝ 12.6մլն և Կուալա Լումպուրը՝ 12.3մլն:

Ինչպես տեսնում եք, նույն քաղաքներն են, ուղղակի տարբեր տեղերում տասնյակի մեջ:

Booking.com-ը 2017, 2018 և 2019 թվականների համար չի արել այսպիսի կանխատեսումներ և առհասարակ շատ զուսպ է եղել իր կանխատեսումների մեջ՝ չմատնանշելով որևէ քաղաք: Միայն 2017-ի համար հպանցիկ նշվում են Sydney, Seoul, Banff (Canada, Alberta), Manila and Saint Petersburg: Բոլոր երեք տարիների համար մշտապես որպես առավել թրենդային ակնարկվում են Թաիլանդը, Հնդկաստանը և Չինաստանը:

Այս պահին Booking.com կայքում Թիֆլիսում կա զբոսաշրջիկներին տեղավորելու 12 305 տարբերակ, Երևանում՝ 3 380, Ծաղկաձորում՝ 153, խոսքը հյուրանոցների մասին է:

ՀՀ ազգային վիճակագրական ծառայության հրապարակած տվյալների համաձայն՝ 2017թ. Հայաստան այցելել են 1 497 779, իսկ 2018թ.՝ 1 1 651 782 զբոսաշրջիկ:

Հիմա դուք նայեք այդ թոփ երկրների այցելուների թվերը, որոնք միլիոններ են, այդ ինչի
՞ համար էդ միլիոննեը պետք է գան մեր երկիր և որտեղ պետք է մնան, եթե նույնիսկ տեսականորեն գա գոնե 3 կամ 4 մլն, չնայած որ այդ 3-4 միլիոնով էլի երբեք չենք մտնի որևէ թոփ տասնյակ: Մեկ միլիոն տուրիստով մեր երկիրը էդ ո՞նց է մտնելու այդ թոփ տասնյակ, գիտի միայն «ժողովրդի վարչապետը»։

Կարող է անգրագետ պողոսները հավատան, որ այս տարի մեր երկիր եկել է 20 մլն. մարդ կամ հաջորդ տարի Նիկոլը առաջին տիեզերագնացը կիջեցնի Մարս մոլորակի վրա, բայց դա իրականության հետ որևէ կապ չի կարող ունենալ:

Վահան Բաբայանի ֆեյսբուքյան էջից

Այս խորագրի վերջին նյութերը