Կարծիք

21.10.2019 12:00


Մենք պարտավոր ենք հարգել միջազգային իրավունքը

Մենք պարտավոր ենք հարգել միջազգային իրավունքը

Այն մարդիկ, ովքեր չեն ընդունում Արցախի Հանրապետություն հասկացողությունը, ու հայտարարում են, որ Արցախը Հայաստանի մարզ է, կամ ուղղակի բան չեն հասկանում, կամ էլ գործում են մեր թշնամիների հրահանգներով, երրորդ տարբերակ չկա: Ու այս կոնտեքստում Վիտալի Բալասանյանին փնովողները նույնպես երկու կատեգորիայի են բաժանվում՝ կամ բան չեն հասկանում, կամ էլ ուղղակի դավաճան են: Վիտալի Բալասանյանը մեռավ հայտարարելով, որ այո՛, Արցախը Հայաստանի մի մասն է, սակայն միջազգային իրավունք գոյություն ունի, ու մենք պարտավոր ենք հարգել այդ իրավունքը, որպեսզի միջազգային հանրությունն էլ մեր իրավունքները հարգի, հետևաբար մենք պիտի գնանք հարցի լուծման այն տարբերակով, որը ընդունելի է միջազգային իրավունքի կողմից, այսինքն ինքորոշման իրավունքի իրացման տարբերակով (որը, ի դեպ, մեզ ամբողջությամբ բավարարում է), մնացած ամեն ինչ միջազգային հանրության կողմից կընկալվի որպես ագրեսիա Ադրբեջանի դեմ, այսինքն այն, ինչը Ալիևն է ուզում:

Կարճ ասած, այն մարդիկ, որոնք հիմա գոռում են՝ Արցախը Հայաստան է, ու վերջ կամ Արցախը Հայաստանի մարզ է, այդ մարդիկ գործում են մեր ազգի շահերի դեմ, ու կապ չունի իրենք դա գիտակցված են անում, թե միամտաբար:

Եվ վերջում ասեմ, որ ինձանից ավելի հայրենասեր չլինեք, հարգելի քննադատողնե՛ր, եթե ասում եմ սա, ուրեմն իմացեք, որ սա է միակ ճշմարտությունը, և իրար խառնվելու կարիք չկա, եթե հայ ազգը հերթական հիմարությունների պատճառով այս վերջին կռիվն էլ տանուլ չտա, ու Արցախի Հանրապետությունը միջազգայնորեն ճանաչվի որպես անկախ պետություն, հավատացած եղեք, որ ես ու իմ նման մտածող մարդիկ, Վիտալի Բալասանյանների կողքին կանգնած, առաջինն ենք հայտարարելու Արցախի մայր Հայաստանին վերամիավորվելու մասին:

Թորոս Ալեքսանյան

Աղբյուրը՝ Politeconomy.org

Այս խորագրի վերջին նյութերը