Քաղաքական

23.10.2019 17:00


Նարեկ Մութաֆյանը և Սարգիս Օհանջանյանը կմնան կալանքի տակ. Վերաքննիչը մերժեց պաշտպանների բողոքը (տեսանյութ)

Նարեկ Մութաֆյանը և Սարգիս Օհանջանյանը կմնան կալանքի տակ. Վերաքննիչը մերժեց պաշտպանների բողոքը (տեսանյութ)

ՀՀ վերաքննիչ քրեական դատարանը շարունակում է քննել ՀՀ երկրորդ նախագահ Քոչարյանի աջակիցներ Նարեկ Մութաֆյանի և Սարգիս Օհանջանյանի փաստաբանների ներկայացրած բողոքները։

Վերաքննիչ բողոքի քննության առաջին նիստը տեղի էր ունեցել հոկտեմբերի 21-ին։

Իսկ երիտասարդները կալանավորվել էին սեպտեմբերի 29-ին, երբ դատավոր Աննա Դանիբեկյանից փորձել էին ճշտել՝ Նիկոլ Փաշինյանի հայտարարած վնգստացող դատավորների թվին ինքն է՞լ է պատկանում, թե՝ ոչ։

***

ՀՀ վերաքննիչ քրեական դատարանը՝ դատավոր Անդրանիկ Մնացականյանի նախագահությամբ մերժեց Ռոբերտ Քոչարյանի աջակիցներից Նարեկ Մութաֆյանին կալանավորելու վերաբերյալ պաշտպանի ներկայացրած բողոքը։ Այս մասին լրագրողների հետ զրույցում ասաց փաստաբան Վահե Եփրիկյանը։

«Այս պահին որոշման բովանդակությանը ծանոթ չենք։ Երբ ծանոթանանք, ավելի մանրամասն կանդրադառնանք դրա մեկնաբանմանը։ Այս պահին կարող եմ փաստել մեկ բան՝ տոտալ իրավախայտառակությունն ուղղակի շարունակվում է և նման բարդակի վերածել իրավական, դատական համակարգն ուղղակի սարսափելի է»,-ասաց Վահե Եփրիկյանը՝ ընդգծելով, որ նման դատարկ միջնորդությունը համարվում է հիմնավոր և պատճառաբանված։

***

ՀՀ վերաքննիչ քրեական դատարանը այսօր՝ հոկտեմբերի 23–ին մերժեց Ռոբերտ Քոչարյանի աջակիցներից Սարգիս Օհանջանյանին կալանավորելու դատարանի որոշման դեմ պաշտպանի ներկայացրած բողոքը։ Այս մասին լրագրողների հետ զրույցում ասաց Օհանջանյանի շահերի պաշտպան, փաստաբան Արամ Վարդեւանյանը։

«Օհանջանյանի մասով կալանովորումը չի կարող խափանման միջոց լինել։ Եթե Նարեկ Մութաֆյանի առումով ներկայացնում են այդ զրույցի հատվածը, Սարգիս Օհանջանյանը ոչ մի արտահայտություն չի արել, որը հաստատված հանգամանք է, փաստորեն Վերաքննիչ դատարանը եւս հաստատված համարեց հիմնավոր կասկածի առկայությունը, որ տեսախցիկ պահելով կարելի է արդարադատության իրականացմանը խոչընդոտել»,-նշեց նա։


Այս խորագրի վերջին նյութերը