Աշխարհ

23.10.2019 22:55


Էրդողանի ամսական աշխատավարձը 12․860 դոլարից կբարձրանա 14․000 դոլարի

Էրդողանի ամսական աշխատավարձը 12․860 դոլարից կբարձրանա 14․000 դոլարի

Թուրքիայի Ազգային մեծ ժողովում (TBMM) ներկայացվել է 2020թ․ նախագահական բյուջեի նախագիծը։

Ըստ այդմ՝ նախատեսվում է հաջորդ տարի բարձրացնել նախագահ Ռեջեփ Թայիփ Էրդողանի աշխատավարձը՝ 74․500 թուրքական լիրայից (շուրջ 12․860 ԱՄՆ դոլար) հասցնելով 81․250 լիրայի (14․000 դոլար)։

Թուրքական մամուլն ուշադրություն է հրավիրել այն հանգամանքի վրա, որ Էրդողանի աշխատավարձի ավելացման չափը (6․750 լիրա կամ 1․160 դոլար) երեք անգամ գերազանցում է երկրում առկա նվազագույն աշխատավարձի չափը (2․020 լիրա կամ 350 դոլար)։ Մինչդեռ 2019թ․ երկրում նվազագույն աշխատավարձը բարձրացվել է ընդամենը 161 լիրայով, որը կազմում է գրեթե 27 դոլար։

Հավելենք, որ բյուջեի նախագծով առաջարկվել է նաև 2020թ․ նախագահականի համար 26 նոր ծառայողական մեքենա ձեռք բերել։

Աղբյուրը՝ ermenihaber.am

Այս խորագրի վերջին նյութերը