Լրահոս

02.12.2019 21:45


Տղամարդը հյուրընկալվել է ընկերուհու տանը և փող գողացել

Տղամարդը հյուրընկալվել է ընկերուհու տանը և փող գողացել

Դեկտեմբերի 1-ին, ժամը 11.40-ին, ոստիկանության Արաբկիրի բաժին է զանգահարել մի քաղաքացուհի և հայտնել, որ տնից 2 անգամ գողություն է կատարվել:

Մեկնած օպերատիվ խմբին քաղաքացուհին հայտնել է, որ նույն օրը, ժամը 01.00-ից 05.00-ն ընկած ժամանակահատվածում, Երևանի 28-ամյա բնակիչ ընկերը բնակարանի պահարանում դրված դրամապանակից գողացել է 90.000 դրամ:

Ժամը 14.20-ին ոստիկանության ծառայողները Վրացական փողոցից 28-ամյա տղամարդուն, գողություն կատարելու կասկածանքով, բերման են ենթարկել ոստիկանության Արաբկիրի բաժին: Պարզվել է, որ նա քաղաքացուհու բնակարանից նոյեմբերին ևս գողացել է 80.000 դրամ:

Տղամարդը տվել է խոստովանական բացատրություն:

Ձեռնարկվում են միջոցառումներ գողոնը հայտնաբերելու ուղղությամբ:

Նախապատրաստվում են նյութեր:

Այս խորագրի վերջին նյութերը