ԵՀՄՖ նախագահ դոկտոր Աշոտ Գրիգորյանը ողջունում է ԱՄՆ Սենատի կողմից Հայոց ցեղասպանության ճանաչման փաստը։

ԵՀՄՖ նախագահությունը գտնում է, որ Օսմանյան կայսրությունում 1915-1923 թվականների իրադարձությունները ԱՄՆ Սենատի կողմից պաշտոնապես ցեղասպանություն ճանաչելու փաստը արդարության հաստատման համար չափազանց կարևոր քայլ էր։ ԵՀՄՖ-ն ողջունում է բոլոր այն հայ լոբբիստներին, որոնք երկարատև և համառ պայքար մղեցին այսօրվա բաղձալի վճիռը կայացնելու հարցում։

Հատկապես ուզում ենք առանձնացնել Ամերիկայի Հայ դատի հանձնախմբի (ANCA) կողմից կատարված տիտանական աշխատանքը, որը բացառիկ գովեստի խոսքերի է արժանի։

Կարծում ենք, որ մեր բոլոր լոբբիստական կառույցները այսուհետ պետք է միավորվեն՝ Հայոց ցեղասպանության հարցը ՄԱԿ-ի օրակարգ մտցնելու նպատակով։ Կարծում ենք՝ մենք ունենք բավարար հիմք և ուժ՝ այս հարցում պայքարը համատեղ սկսելու համար։ Անկասկած, մեր պայքարի նպատակը պետք է լինի այն, որ Թուրքիայի առաջ դրվեն տարածքային խնդիրների, մի ամբողջ 100 տարի հայ ազգից կողոպտված գումարների վերադարձման և մի շարք այլ կարևոր հարցեր։

Շնորհավորում ենք ողջ հայությանը և բոլորին կոչ անում՝ ի զեն դեպի պայքար և հաղթանակ։ Ապագա հաղթանակը կլինի մեր երկրի վերակառուցման և մեր ազգի ոգին ամրապնդելու հսկայական մի գործընթաց։
Շնորհավոր բոլորիս։

Forum of Armenian Associations of Europe ֆեյսբուքյան էջից