Երեկ՝ դեկտեմբերի 24-ին, արտակարգ դեպք է տեղի ունեցել Կոտայքի մարզում: Ժամը 14։10-ի սահմաններում Եղվարդ քաղաքի «Նաիրի» բժշկական կենտրոնից ահազանգ է ստացվել ոստիկանության Նաիրի բաժին, որ բժիշկների հերթապահ խումբը «պոլիտրավմա» ախտորոշմամբ «Արմենիա» բժշկական կենտրոն է տեղափոխել մի քաղաքացու, ով գտնվում է ծայրահեղ ծանր վիճակում։

Մինչ բժիշկները պաքարում էին վիրավորի կյանքի համար, Նաիրիի ոստիկանները պարզել են, որ հիվանդանոց տեղափոխվածը Երևան քաղաքի բնակիչ՝ 25-ամյա Վարդգես Գ-ն է, ով աշխատում է «Սամվել Բաբայան» ՍՊԸ-ում։

Նաիրիի ոստիկանները պարզել են նաև, որ ժամը 14։00-ի սահմաններում Վարդգես Գ-ն Եղվարդ քաղաքի Շիրակի 30 հասցեում գտնվող «Հայաստանի էլեկտրացանցեր» Փակ Բաժնետիրական Ընկերության «Նաիրի» մասնաճյուղի հետնամասում գտնվող պահեստային շենքի տանիքին տեսանկարահանման սարք տեղադրելիս անզգուշաբար վայր է ընկել և ծայրահեղ ծանր ախտորոշմամբ տեղափոխվել է հիվանդանոց։

Փաստի առթիվ նյութեր են նախապատրաստվում։

Մանրամասները՝ Shamshyan.com-ում։