ԱՄՆ-ն փափուկ ուժից անցում է կատարում կոշտ ուժի կիրառմանը։ Դա թուլության նշան է։ Առաջ ԱՄՆ-ն կարիք չէր ունենա Սոլեյմանիի նման անձնավորությանը սպանել, հիմա դա անում է։ Սոլեյմանին ընդամենը ցուցակի սկզբում էր։

Հին աշխարակարգը մեռնում է և առաջվա հստակությունն այլևս չկա։ Բարդ և վտանգավոր խաղեր են սկսվում։

Ուժ և զորություն մեր բլինչիկի փորձագետին ու իմաստություն՝ իր անտեսանելի ինստիտուտներին այս պատասխանատու փուլում մեր նավը խութերի արանքով վարելու գործում։

***

Նապոլեոնի տապալվելուց հետո Եվրոպայում դեռ ուժեղ էր ֆրանսիական հեղափոխության ազդեցությունը։

1815-ի Վիեննայի կոնգրեսից հետո Ռուսաստանը Եվրոպայում կարևոր դերակատարություն ստանձնեց՝ ճնշել հեղափոխությունները։ Ռուսաստանին տրվեց Եվրոպայի ժանդարմի պատվավոր ու կարևոր դերակատարությունը, սակայն երբ Ռուսաստանը փորձեց չափից շատ ինքնուրույն դառնալ, դա ավարտվեց Ղրիմի պատերազմի պարտությամբ։

Հիմա Ռուսաստանի վրա է դրվել Մերձավոր Արևելքի ժանդարմի դերը, այստեղ նույնպես հեղափոխական իրավիճակ է՝ իսլամական։ Դա կարևոր աշխարհքաղաքական դերակատարություն է։ Քանի որ միջազգային հարաբերությունները հիշեցնում են կրիմինալ հարաբերությունները, կարող ենք ասել, որ Ռուսաստանը Մերձավոր Արևելքի կամերայի նայող են կարգել։