Եթե ՀՀ ԱԺ «Լուսավոր Հայաստան» խմբակցությունը՝ «Բարգավաճ Հայաստան» խմբակցության օժանդակությամբ, հանրաքվե նշանակելու մասին ԱԺ որոշումը չվիճարկեն Սահմանադրական դատարանում, ապա գտնում եմ, որ «Լուսավոր Հայաստանը» չպետք է հայտ ներկայացնի «ՈՉ»-ի շտաբ ձևավորելու համար:

Եթե չեք կարողանալու վիճարկել, ապա թույլ տվեք առանց ձեզ ձևավորել ՈՉ-ի շտաբ ու կասեցնել հակապետական գործընթացը, որը սկսվել է Հայաստանի Հանրապետությունում:

Չեք կարողանում, գոնե մի խանգարեք:

***

Հանրապետության նախագահը նշանակեց հանրաքվե:

Հիշեցնեմ, որ նախագահը հանրությանը դիմելու և հանրության կարծիքը ճշտելու (ուղիղ ժողովրդավարություն) կողմնակիցն է: Այդ մասին նա հայտարարեց նաև Շանթին տված վերջին հարցազրույցով:

Արձանագրում եմ, որ հանրության կարծիքը կարևորող նախագահը մերժեց մասնագիտական հանրության (130-ից ավելի իրավաբան ու իրավապաշտպան) կոչը, որն ընդամենը պահանջում էր չստորագրել այդ որոշումն ու չնշանակել հանրաքվե:

Արսեն Բաբայանի ֆեյսբուքյան էջից