Ականատեսները հաղորդում են, որ լիբիական Էզ–Զավիա քաղաքը Լիբիայի բարձրագույն հրամանատար Մուամար Քադաֆիի ուժայինների հարձակումներից հիմնովին ավերվել է։ «ВВС»–ի փոխանցմամբ՝ այսօր 50 տանկ և հարյուրավոր բեռնատարներ են ներխուժել քաղաք։ Հայտնի չէ՝ գրոհի հետևանքով զոհեր կա՞ն։

Հիշեցնենք, որ այս ողջ ընթացքում Էզ–Զավիայում կատաղի բախումներ էին ընթանում Քադաֆիի հակառակորդների և նրա կողմնակիցների միջև։

«Ալ–Ջազիրա» հեռուստաալիքի տվյալներով՝ Քադաֆիի կողմնակիցներն օգտագործել են ողջ հրետանին, տանկերը կրակ են բացել բնակելի տների վրա։  Խոսվում է տասնյակ հազարավոր զոհերի մասին։